ആസൂത്രണം ഇല്ലാതെ വളരുന്ന കേരള നഗരങ്ങള്
നഗരാസൂത്രണം പഠിപ്പിക്കുന്ന കോളെജുകള് ഉണ്ട്. അത് കേരളത്തില് അധികം ആര്ക്കും അറിയുന്ന മട്ടില്ല. കുറെ കാലം മുന്പ് പി ജെ ജോസഫ് തിരുവനന്തപുരത്തു അങ്ങിനെ ഒരു സ്ഥാപനം തുടങ്ങുന്നു എന്ന് കേട്ടിട്ടുണ്ട്. പിന്നെ ഒന്നും അറിയില്ല.
ഏതായാലും കേരളത്തിലെ നഗരങ്ങള് ആസൂത്രണം ഒന്നും ഇല്ലാതെ വളരുകയാണ്.
കുട്ടികള്ക്ക് സുരക്ഷിതമായി നടന്നു സ്കൂളില് പോകാവുന്ന കാലം കഴിഞ്ഞു. വണ്ടി ഇടിച്ചു ചവേണ്ടി വരും.
പ്രായമായവര് ഫ്ലാറ്റ് കള്ക്കുള്ളില് അഹോരാത്രം ടിവി കണ്ടിരിക്കണം . ഒന്ന് പുറത്ത് ഇറങ്ങി അടുത്തു ഒരു പാര്ക്കിലോ മറ്റോ പോയി ഇരിക്കാം എന്ന് വച്ചാല് പാര്ക്ക് അങ്ങ് വളരെ ദൂരെ ആണ്. അവിടെ പോയി വരുന്ന ടെന്ഷന് ചില്ലറയല്ല.
കുട്ടികള്ക്ക് നീന്തല് കുളങ്ങള് ഇല്ല. കളി സ്ഥലങ്ങള് ഇല്ല. മിക്ക കുട്ടികള്ക്കും നഗരം നരകം തന്നെ. മുതിര്ന്നവര്ക്കും അങ്ങിനെ തന്നെ. യുവാക്കള്ക്കും യുവതികള്ക്കും അങ്ങിനെ തന്നെ.
ഡല്ഹിയിലും മറ്റും അനേകം പാര്ക്കുകള് ഉണ്ട്. അവിടെ കാലത്തു സുരക്ഷിതമായി ശുദ്ധവായു ശ്വസിച്ചു നടക്കാന് പോവാം. വൈകുന്നേരങ്ങളില് കുടുംബങ്ങള് അവിടെ പൂന്തോട്ടങ്ങളില് ഇട്ടിട്ടുള്ള സിമന്റ് ബെഞ്ച്കളില് ഇരിന്നു കുട്ടികള് പച്ച പുല്ലില് ഓടി കളിക്കുന്നതും കണ്ടു, മറ്റു കുടുംബങ്ങളുമായി ചില്ലറ വര്ത്തമാനങ്ങളും പറഞ്ഞു ഇരിക്കാറുണ്ട്.
വാര്ദ്ധക്യത്തില് ഒറ്റപെട്ടു പോവുമ്പോള് കുറച്ചു മനുഷ്യരെ കണ്ടു കൊണ്ട് ഇരിക്കുക എന്നത് ഒരു ആശ്വാസമാണ്. ഡല്ഹിയില് അത് സാധിക്കും. ഇവിടെ നടക്കില്ല. വീട്ടില് നിന്നും കാലെടുത്തു പുറത്തു വച്ചാല് പിന്നെ ഒരിടത്തും ഇരിക്കാന് പറ്റില്ല. അഥവാ പാടില്ല. വീട്ടില് നിന്നിറങ്ങിയാല് പിന്നെ നടന്നും വണ്ടിയോടിച്ചും പോയ്ക്കൊണ്ടേ ഇരിക്കണം. ആരുമായും വര്ത്തമാനം പറയാന് പറ്റില്ല.
യുവാക്കള്ക്ക് പ്രേമിക്കാന് സ്ഥലമില്ല. ഒന്ന് ഇരുനിട്ടു വേണ്ടേ പ്രേമിക്കാന്. ഒന്ന് ഒറ്റയ്ക്ക് കണ്ടു മുട്ടിയിട്ടു വേണ്ടേ. എവിടെ വച്ചാ അതൊക്കെ നടക്കുക. പല നഗരങ്ങളിലും ഉള്ളത് പോലെ പബ്ബും ഡിസ്കോ യും ഇവിടെ നിഷ്ഷിധം. സമൂഹം മൊത്തം നൈരാശ്യം ബാധിച്ചവരും തനിക്കു കിട്ടാത്ത പ്രേമം വല്ലവനും നുകരുന്നതും കണ്ടു സഹിക്കാന് വയ്യാതെ നടക്കുന്നവരും അല്ലെ. അവര് വിടുമോ? പോലീസ് സ്റ്റേഷനില് പോവേണ്ടി വരും പൊതു സ്ഥലത്ത് വച്ചെങ്ങാനും കാര്യമായി പ്രേമിച്ചാല്. അത്ര അസൂയയാണ് സമൂഹത്തിന് യുവാക്കളോട്. എവിടെ എങ്കിലും സെക്സ് നടക്കുന്നുണ്ടോ എന്ന് രാവും പകലും ജാഗ്രതയോടെ നോക്കി ഇരിക്കുന്ന കേരള പോലീസ്. എന്തെങ്കിലും വിവരം കിട്ടിയാല് പാഞ്ഞെത്തും വിവരം കിട്ടാതിരിക്കില്ല. കാരണം ഇതൊക്കെ കിട്ടാത്തവാണോ, കിട്ടികഴിഞ്ഞിട്ടു പാര വയ്ക്കുന്നവാണോ കേരളം മുഴുവന് ഉണ്ടല്ലോ.
ഇനി കുടുംബിനികള്. അവര്ക്ക് പണ്ടത്തെ പോലെ അയല്പക്കത്തെ ബന്ധങ്ങള് ഒന്നും ഇല്ല. സംസാരിക്കാന് സമയവും ഇല്ല. ആരോടെങ്കിലും ഒന്ന് സംസാരിക്കുക എന്നത് ഒരു luxury ആയി മാറിയിരിക്കുന്നു. വൈകുന്നേരം ബീച്ചില് പോവാം എന്ന് വച്ചാല് ബീച്ച് നിറഞ്ഞു കവിഞ്ഞിരിക്കുന്നു. അത്ര അധികം മനുഷ്യരല്ലേ നഗരത്തില്. നിന്ന് തിരിയാന് ഇടമില്ല. കല്യാണം കഴിഞ്ഞു കുട്ടിയുണ്ടാവുന്നത് വരെ മാത്രം ജീവിതം. പിന്നെ ജീവിതം ഒരു പാച്ചില് ആണ്. ജോലി വീട് ജോലി വീട് ഇത്ര മാത്രം. ഭര്ത്താവിനെ ഫുള് ടൈം ബുദ്ധിമുട്ടിക്കുകയല്ലാതെ രക്ഷയില്ല. ഭര്ത്താക്കന്മാരും ഫുള് ടൈം ഗ്രിഹസ്ഥാശ്രമികള് ആയി മാറിയിരിക്കുന്നു.
നഗര സഭ സ്റ്റേഡിയം കൊണ്ട് വച്ചിരിക്കുന്നത് നഗരത്തിന്റെ ഹൃദയ ഭാഗത്ത്. നഗരത്തിലെ തിരക്ക് വര്ധിപ്പിക്കാന് പിന്നെ ഒന്നും വേണ്ടല്ലോ.
രോഗികള്ക്ക് നഗരം ഒരു പേടി സ്വപ്നമാണ്. ആശുപത്രിയിലേക്ക് പോവാന് പറ്റില്ല. ബസ്സുകള് ആരോഗ്യമുള്ളവര്ക്ക് വേണ്ടി മാത്രം ഓടിക്കുന്നു. അതില് ഇടിച്ചു കയറാന് കഴിയണം.
മെഡിക്കല് കോളേജ് മുതലായ ജനങ്ങള് കൂടുന്ന സ്ഥലങ്ങളിലെ ഹോട്ടല് ഉകള് വലിയ പൈസയാണ് ഭക്ഷണത്തിനു ഈടാക്കുന്നത്.
റോഡുകള് മുഴുവന് കുഴിയും കുണ്ടും. ഇന്ധനം ലാഭിക്കണം എന്ന് പ്രചരിപ്പിക്കുന്ന സര്ക്കാര് ഓരോ കുണ്ടിലും കയറി ഇറങ്ങി പോവേണ്ടി വരുന്ന വാഹനങ്ങളുടെ ഇന്ധന നഷ്ടം മൊത്തം എത്രയാണ് എന്ന് കണക്കാക്കാന് മിനക്കെടുന്നില്ല.
പിന്നെ ട്രാഫിക് പോലീസ്. ഹെല്മെറ്റ് വേട്ടയാണ് പ്രധാന പണിയും ഹോബ്ബിയും. കോടതിയുടെ ഉത്തരവിന്റെ പിന്ബലവും കൂടി ഉള്ളത് കൊണ്ട് ഒരു പ്രശ്നവും ഇല്ല. സ്വന്തം തല സൂക്ഷിക്കാത്ത ഹെല്മെറ്റ് ധരിക്കാത്ത മധ്യവര്ഗ്ഗത്തെ വേട്ടയാടാന് എന്തു രസം. അവനെ ഇടിച്ചിട്ടു കൊള്ളുന്ന ബസ്സുകാരനെ ശിക്ഷിക്കാനോ, റോഡ് കുണ്ടും കുഴിയുമാക്കി ഇട്ടു ബൈക്ക് കാരനെ കൊല്ലുന്ന പി ഡബ്ലിയു ഡി യും നഗരസഭയും തുടങ്ങിയവരെ ശിക്ഷിക്കാനോ ഇവിടെ കോടതിയോ പോലീസോ ഒന്നും ഇല്ല. സ്വന്തം തല സൂക്ഷിക്കാതെ ഓടിച്ചു പോവുന്നവന് കുറ്റവാളി. അവനെ കൊല്ലുന്നവന് നല്ല പൌരനും. നല്ല നീതി. ഇക്കണക്കിനു പോയാല് അതികം വൈകാതെ ഇരുമ്പ് അണ്ടര് വെയര് ഇട്ടിട്ടു പോവാത്ത സ്ത്രീകളെയും പോലീസ് പിടിക്കാന് സാധ്യതയുണ്ട്. ബലാല്സംഗം നടക്കാതിരിക്കാന് ഇരുമ്പ് അണ്ടര് വെയര് നിര്ബന്ധമാക്കുകയും ചെയ്യും നമ്മുടെ നിയമ പാലകരും നിയമ നിര്മ്മാതാക്കളും.
ഏറ്റവും രസം സംസ്ഥാന ടൂറിസം വകുപ്പും KTDC യും ആണ്. റോഡ് സൈഡില് ബിയര് പാര്ലര് ഉണ്ടാക്കി വണ്ടിക്കാരെ കുറച്ചു മദ്യം കുടിപ്പിച്ചു വിട്ടേക്കാം എന്നാണു അതിലെ യെമാന്മാര് കണ്ടെത്തിയ ബിസിനസ് മോഡല്. സഞ്ചാരികള് ബോട്ടില് കയറി മരണത്തിലേക്ക് പോകാന് ഉള്ളതല്ലേ. കുറച്ചു പൂസായി വണ്ടിയോടിച്ചു ചാവുന്നവര് അങ്ങിനെയും ആയിക്കോട്ടെ. കൂടാതെ ബസ് സ്ടാന്റുകളില് മൂത്രം ഒഴിക്കാനും രണ്ടിനും പോകുന്ന സഞാരികള്ക്ക് മദ്യം മോന്തിയിട്ട് പോയില്ലെങ്കില് ചിലപ്പോള് മണം കാരണം ബോധം നഷ്ടപ്പെട്ടു പോയിക്കൂടാതില്ല. പിന്നെ motels കളും. അവയില് ഒരു തവണ പോയവര് പിന്നെ കയറിയ ചരിത്രം കേട്ടിട്ടില്ല. ഒന്നും ഇല്ലെങ്കിലും വലിയ ബോര്ഡുകള് യഥേഷ്ടം വെച്ചിട്ടുണ്ട് ഇഷ്ടന്മാര്..”God’s own country” എന്ന്. ഏതോ സായിപ്പ് അരിശം മൂത്ത് കേരളം വിട്ടപ്പോ കളിയാക്കി പറഞ്ഞതാണ് അത്. കേട്ട് നിന്ന ഏതോ കോവര് കഴുത അത് കേരള ടൂറിസത്തിന്റെ വചനമാക്കി മാറ്റി.
